SpaceX Dragon 2

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

SpaceX Dragon 2
A nau Dragon2 mientres que la suya misión DM-1 en marzo de 2019.
Datos chenerals
Estato	en servicio
Aplicación	Nau espacial tripulata
Operadors	SpaceX
Destín	Estación Espacial Internacional
Especificacions tecnicas
Masa	9525 kg
Grandarias	Largaria 8.1 m Diametro 4 m
Volumen habitable	9.3 m³
Elementos orbitals
Tipo d'orbita	orbita baixa terrestre
Misión anterior	SpaceX Dragon

A nau Dragon2 d'a interpresa SpaceX ye una nau espacial reutilizable emplegada pa carriar astronautas.

Tien dos variants: Crew Dragon, una capsula espacial capaz de carriar dica siet astronautas, y Cargo Dragon, un reemplazo actualizau d'a nau espacial Dragon orichinal. A nau espacial se lanza sobre un codete Falcon 9 Block 5 y torna a la Tierra a traviés d'un amerizache oceanico.

O modelo Crew Dragon ye equipau con un sistema d'escape de lanzamiento integrau (LES) capaz d'accelerar o vehíclo luent d'o codete en una emerchencia a 11.8 m / s2, o que s'aconsigue por meyo de l'uso d'un conchunto de cuatro bachocas de propulsión amontadas lateralment con dos motors SuperDraco cadagún.

Crew Dragon sirve como una d'as dos naus espacials que s'aspera que transporte tripulacions enta y dende a Estación Espacial Internacional en o marco d'o Programa de Tripulación Comercial d'a NASA, estando l'atra o Boeing CST-100 Starliner. Tamién s'aspera que sía utilizau en vuelos por a companyía estausunidense de turismo espacial Space Adventures y pa carriar turistas enta y dende a estación espacial planiada d'Axiom Space.